«Бала еңбегін қанауға қарсы 12 күн» 3 күн

Б.Атыханұлы атындағы №36 гимназияда   3.06.2021 ж. күні  9-10 сынып оқушыларына «Бала еңбегін қанауға қарсы 12 күн» Ұлттық ақпараттық науқан аясында онлайн режимінде отбасылық құндылықтар және бақытты балалық шақты насихаттайтын бейнероликтер көрсетілді. Отбасы — адамзаттың алтын діңгегі іспеттес, оның ұрпаққа деген ықпалын өмірдегі ешбір күшпен салыстыруға болмас. Жастарды ұлттық нышандағы құндылықтарымызды бағалауға, оларды сақтай отырып, келер ұрпаққа жеткізуге тәрбиелеу бүгінгі таңның өзекті мәселесі. Отбасы — жеке құндылықтарды қалыптастырудың қайнар көзі, тәрбиенің бастауы, әр үйде балалар санасына ұлттық құндылықтарға деген көзқарастарды, салт-дәстүрлер мен әдет-ғұрыптарды, даналық сөздерді, тәрбиенің жоғарғы үлгілерін сіңіретін де отбасы. Осы негізде отбасынан жалғасын табатын құндылықтар негіздерін ұмыт қалдырмай, жаңғыра түсейік, рухани болмысымызды жоғалтпайық!